Пудина ҳам шифо аст

Пудина яке аз гиёҳҳои хушбӯ буда, онро дар хӯроку хӯришҳо барои лаззат бахшидан истифода мебаранд. Дар баробари хушбӯӣ гиёҳи мазкур боз хосиятҳои шифобахш низ дорад. Масалан, он барои рафъи дарди шикам чораи хуб аст. Ба мушакҳо оромӣ бахшида, дардҳои рагкаширо бартараф мекунад.

Бино бар қайди мутахассисон пудина барои муолиҷаи хонагӣ беҳтарин дегафзор аст. Дар таркиби ин гиёҳ зиёда аз сад унсур мавҷуд буда, вобаста ба муҳити парвариш ба навъҳои гуногун тақсим мешавад ва таркиби ҳар навъ аз ҳамдигар фарқ мекунад. Дар маҷмӯ таркиби пудина аз ментол, ментон, флавоноидҳо, фенол, танин, равғани эфир иборат буда, барои рафъи ихтилоҷи (спазм) рӯдаҳо, дарди шикам, иҳтиқофи (гирифтагии) бинӣ ва доруи таскинбахш хизмат мекунанд.

Ҳамчунин пудина барои рафъи мушкилиҳои зайл чораи муассир аст: гармича, илтиҳоби буғумҳо, хориҷ кардани газҳо аз меъда, шамолхӯрӣ, зуком, сулфа, беҳолӣ, дарди сар, сустии ҳазмкунӣ, оруғ, гулӯдард, дилбеҳузурии пагоҳирӯзӣ дар давоми ҳомиладорӣ, дилбеҳузурҳӣ ва қайкунӣ, газидани ҳашаротҳо ва ғайра.

–таҳияи Достиев Неъмат


Хосияти шифобахши тамашк

Агар хоҳед, ки ҳофизаи қавӣ дошта бошед

Картошка сабзавоти фоидабахш аст

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s